Әуе компаниясының мәліметінше, Таяу Шығыстағы тұрақсыз жағдайға байланысты Ақтау – Дубай – Ақтау бағыты бойынша рейстерді орындау 2026 жылғы 15 қыркүйекті қоса алғанға дейін тоқтатылды.
Бұған дейін аталған бағыттағы рейстер 2026 жылғы 29 тамызды қоса алғанға дейін орындалмайтыны хабарланған еді.
"Тоқтатылған рейстердің жолаушылары билетті сатып алған жері бойынша ешқандай айыппұл ұсталмай, оның толық құнын қайтара алады", – деп мәлімдеді лоукостердің баспасөз қызметі бүгін, 2026 жылғы 10 тамызда.
Бірнеше күн бұрын, 7 тамызда, басқа да шектеулер туралы белгілі болды. Қазақстандық әуе компаниясы Ресейдің ірі қаласына рейстердің тоқтатылу мерзімін ұзартты.