Бұл туралы AlmatyJoly Telegram арнасында хабарланды.
"Жөндеу жұмыстарына байланысты Алаша көшесінен әл-Фараби даңғылына дейінгі аралықта көлік қозғалысы уақытша шектелді. Жолды 20 тамыз сағат 20:00-де ашу жоспарланып отыр. Жөндеу жұмыстарының мерзімі ауа райына немесе өндірістік қажеттілікке байланысты өзгеруі мүмкін", – делінген сәрсенбіде жарияланған хабарламада.
Жабылған жол бөлігінде тығыз қиыршық тас-мастикалық асфальт-бетон қоспасынан жол жабынының үстіңгі қабатын төсеу жұмыстары жүргізілетіні нақтыланды.