Әсел Жанәбілова сайлаушылар тізіміне 12 605 788 азамат енгізілгенін еске салды. Қазіргі уақытта олардың басым бөлігі өз таңдауын жасап үлгерді.
"Сағат 16:00-дегі жағдай бойынша 8 240 336 адам бюллетень алды. Бұл сайлаушылар тізіміне енгізілген азаматтардың жалпы санының 65,37%-ын құрайды", – деді ол.
Облыстардың, республикалық маңызы бар қалалар мен астананың аумақтық сайлау комиссиялары ұсынған мәліметке сәйкес, өңірлердегі сайлаушылардың дауыс беруге келу көрсеткіші мынадай:
- Абай облысы – 71,18%;
- Ақмола облысы – 73,69%;
- Ақтөбе облысы – 75,63%;
- Алматы облысы – 67,23%;
- Атырау облысы – 63,37%;
- Батыс Қазақстан облысы – 61,81%;
- Жамбыл облысы – 69,11%;
- Жетісу облысы – 77,03%;
- Қарағанды облысы – 70,91%;
- Қостанай облысы – 70,09%;
- Қызылорда облысы – 81,38%;
- Маңғыстау облысы – 65,86%;
- Павлодар облысы – 67,06%;
- Солтүстік Қазақстан облысы – 63,94%;
- Түркістан облысы – 76,73%;
- Ұлытау облысы – 64,29%;
- Шығыс Қазақстан облысы – 79,33%;
- Астана – 46,38%;
- Алматы – 36,65%;
- Шымкент – 67,92%.
Бұған дейін Қасым-Жомарт Тоқаевтың Қазақстан Республикасы Құрылтайы депутаттарын сайлауда дауыс бергені хабарланған болатын. Президент бұл күнді еліміз үшін тарихи күн деп атады.