Іс-шараның мақсаты – тұрғындардың экологиялық мәдениетін арттырып, табиғатқа жауапкершілікпен қарауды насихаттау.
Акцияға жастар, волонтерлер мен қала тұрғындары қатысып, өзен жағалауында тазалық жұмыстарын жүргізді. Қатысушыларға қалдықтарды дұрыс сұрыптау, қайта өңдеу және табиғи ресурстарды тиімді пайдалану жөнінде түсіндіру жұмыстары жүргізілді.
Сурет: Жетісу облысы әкімдігінің баспасөз қызметі
"Қоршаған ортаның тазалығы әрқайсымыздан басталады. Бүгін біз Қаратал өзенінің жағалауын тазалап қана қоймай, табиғатқа ұқыпты қараудың маңыздылығын өз ісімізбен көрсетіп отырмыз. Мұндай шаралар экологиялық жауапкершілікті қалыптастырады", – деді "Қазақстан студенттер альянсы" Омбудсмені Ақерке Қызайбай.
Сондай-ақ қатысушылар арасында экологиялық квест ұйымдастырылып, үздік командалар мен белсенділер дипломдар, алғыс хаттар және арнайы сыйлықтармен марапатталды.
Сурет: Жетісу облысы әкімдігінің баспасөз қызметі
Іс-шара барысында "Таза Жетісу – таза болашақ" қағидаты насихатталып, тұрғындар қоғамдық орындардың тазалығын сақтауға шақырылды. Акция қорытындысында Қаратал өзенінің жағалау аумағы қоқыстан тазартылды.