Бұл туралы 21 қыркүйекте қадағалау органының баспасөз қызметі хабарлады.
Салық тәртібіне жүргізілген талдау нәтижесінде өңірде тексерілген 73 жеке сот орындаушысының 53-і нақты табыстарын жасырып, есептілікте көрсетпегені анықталды.
Прокуратура араласқаннан кейін заң бұзушылар жалпы сомасы 535,6 млн теңге болатын табыстарын ерікті түрде декларациялады.
"Камералдық бақылау қорытындысы бойынша бюджетке 53 млн теңгеден астам жеке табыс салығы есептеліп, төленді. Сонымен қатар салықтарды уақтылы төлемегені үшін 10,2 млн теңге өсімпұл өндірілді", – деп хабарлады облыстық прокуратура.