Қазақстанда халықтың ақшалай табысын есептеу тәсілдері өзгермек

Фото: Zakon.kz/Максим Золотухин
Ұлттық статистика бюросы халықтың атаулы ақшалай табысын есептеу және бағалау әдістемесіне өзгерістер енгізуді ұсынды. Тиісті бұйрық жобасы әзірленді, деп хабарлайды Zakon.kz.

Жобаға сәйкес, әдістемені қолданатын мемлекеттік органның атауы жаңартылып, терминдер заң техникасы талаптарына сай біріздендіріледі. Сондай-ақ халықтың атаулы ақшалай табысын бағалау тәсілдерін ұлттық шоттар жүйесінің деректерін ескере отырып жетілдіру көзделген.

Есептеуге пайдаланылатын ақпарат көздерін де кеңейту жоспарланып отыр. Ол үшін Отбасының цифрлық картасындағы жинақталған әкімшілік деректер мен екінші деңгейдегі банктердің балама деректерін пайдалану ұсынылады. Алайда бұл мәліметтер толық әрі тұрақты жаңартылып отыруға және әдіснамалық тұрғыдан өзара салыстыруға келуге тиіс.

Бұдан бөлек, ел және өңірлер бойынша халықтың атаулы ақшалай табысын макроэкономикалық деңгейде есептеу мен бағалаудың кезең-кезеңімен жүргізілу тәртібі нақтыланады.

Ұлттық статистика бюросының мәліметінше, құжаттың қабылдануы халықтың ақшалай табысын тоқсандық және жылдық негізде бағалаудың сапасы мен дәлдігін арттыруға мүмкіндік береді.

Бұйрық жобасы "Ашық НҚА" порталында жарияланған. Қоғамдық талқылау 30 қарашаға дейін жалғасады.

Қазақстан
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Қазақстанның бірнеше өңірінде тұман түсіп, көктайғақ болады

Жезқазғанда ойын-сауық орталығының әкімшісі отшашу атқаны үшін жазаланды

Жібек Құламбаева WTA 125 санатындағы турнирдің жеңімпазы атанды

Көлік министрі балалар арбасымен автобусқа міну мәселесіне қатысты мәлімдеме жасады

Ақмола облысында полицейлер жоғалған 86 жастағы қарияны іздеп тапты