Агроөнеркәсіп өнімдері экспортының көлемі екі есе ұлғайып, 7 миллиард долларға жуықтады – Мемлекет басшысы

Фото: Zakon.kz
Соңғы жеті жылда Қазақстанның агроөнеркәсіп өнімдері экспорты екі есе өсіп, 7 млрд долларға жуықтады. Экспорттағы өңделген өнімнің үлесі 52 пайызға жетті. Бұл туралы Президент Қасым-Жомарт Тоқаев ауыл шаруашылығы еңбеккерлерінің үшінші форумында айтты, деп хабарлайды Zakon.kz.

Мемлекет басшысы осы кезеңде азық-түлік өндірісі де артқанын атап өтті.

"Азық-түлік өндірісі 28 пайызға өсті. Жалпы құны 2,7 триллион теңге болатын 1 630 инвестициялық жоба іске қосылды", – деді Қасым-Жомарт Тоқаев.

Президенттің айтуынша, былтыр Қазақстанда соңғы жиырма жылда алғаш рет ұлттық ауыл шаруашылығы санағы жүргізілді. Санақ барысында цифрлық технологиялар қолданылды.

"Нәтижесінде ауыл шаруашылығының жай-күйі туралы жан-жақты әрі нақты мәлімет алынды. Осы саланың шынайы ахуалын көрсететін толыққанды деректер жиналды", – деді Мемлекет басшысы.

Қасым-Жомарт Тоқаев Қазақстанның ауыл шаруашылығындағы әлеуеті зор екенін атап өтті.

"Басты міндет – қолда бар мүмкіндікті тиімді пайдаланып, уақытты созбай, белсенді түрде жұмысқа кірісу керек", – деді Президент.
Қазақстан
Астана
Тоқаев Касым-Жомарт

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Қазақстанда атом нысандарының қауіпсіздігіне қойылатын талаптар бекітілді

Қазақстан алғаш рет БҰҰ рейтингінің үздік 20 елі қатарына және ең жоғары рейтингілік топқа енді

Италиялық клуб итпен келісімшартқа отырды

Путин, Си Цзиньпин және Трамп бейбітшілік туралы декларацияға қол қойды

Мемлекет басшысы Парламентаралық одақтың президенті Милтон Дикті қабылдады