Алматының барлық сегіз ауданында 19 ашық мұз айдыны ашылады

Сурет: Алматы қаласы әкімдігінің баспасөз қызметі
2026-2027 жылғы қысқы маусымда Алматыда ашық аспан астындағы 19 мұз айдынын ашу жоспарланып отыр. Қалалық Спорт басқармасы өкілдерінің мәліметінше, мұз айдындары қаланың барлық сегіз ауданында ашылады. Оның 12-сі тегін болады.

Мұз айдындары саябақтарда, ірі спорт ареналарының маңында, сауда орталықтары мен тұрғын алаптарда ашылады. Олардың жалпы аумағы 20 мың шаршы метрден асады.

Биыл алғаш рет бес тегін мұз айдыны Flow Park аумағында, Алматы ипподромында, Шұғыла шағынауданындағы №221 мектепте, Сәкен Сейфуллин атындағы саябақта және "Сұңқар" шаңғымен тұғырдан секіру кешенінде жабдықталады.

Мұз айдындары қайда ашылады?

Мұз айдындарын желтоқсан айында ашу жоспарланып отыр. Нақты мерзімі ауа райына байланысты белгіленеді.

Тегін мұз айдындарының жұмыс кестесі

Тегін мұз айдындарында күн сайын сағат 10:00-ден 23:00-ге дейін сырғанауға болады. Әр алаңда көпшілікке арналған төрт сырғанау сеансы ұйымдастырылады. Әрбір сеанс 2,5 сағатқа созылады.

Сеанстар арасындағы үзілісте мұз келесі сырғанау уақытына дайындалады. Тегін мұз айдындарына келушілер конькиімен сырғанай алады немесе конькиді ақылы түрде жалға ала алады. Конькиді жалға алу құнын қызмет көрсетуші ұйымдар белгілейді.

Қазақстан
Алматы

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Қазақстан алғаш рет БҰҰ рейтингінің үздік 20 елі қатарына және ең жоғары рейтингілік топқа енді

Италиялық клуб итпен келісімшартқа отырды

Путин, Си Цзиньпин және Трамп бейбітшілік туралы декларацияға қол қойды

Мемлекет басшысы Парламентаралық одақтың президенті Милтон Дикті қабылдады

"Күн жауын-шашынды болады". Еліміз бойынша 20 қарашаға арналған ауа райы болжамы