Бүгін ҚР Президенті Қасым-Жомарт Тоқаев "Қазақстан Республикасының кейбір заңнамалық актілеріне дене шынықтыру және спорт мәселелері бойынша өзгерістер мен толықтырулар енгізу туралы" Заңға қол қойды. Онда тыйым салынған дәрілік заттарды қолдану, оны тағайындау және таратқаны үшін жауапкершілікті күшейту қарастырылған. Атап айтқанда, спортшыға допинг тағайындаған адамдарға қатысты әкімшілік жауапкершілік енгізіліп, оған 200 айлық есептік көрсеткіш мөлшерінде айыппұл салынады, деп хабарлайды zakon.kz ҚР МСМ-ға сілтеме жасап.
Сонымен қатар заң жобасында допинг қолданғаны үшін мынандай жазалар қарастырылған:
- спорттан шеттету;
- спорт нәтижесін жою, спортшыға берілген біліктілік балдары немесе ұпайлары алынып тасталады;
- берілген ақшалай сыйақы қайтарылады;
- спортшы мен жаттықтыруға өмір бойына ай сайынғы материалдық қолдау төлемі тоқтатылады;
- спортшыларды, жаттықтырушыларды және клуб командаларының басшыларын ай сайын ақшалай қамсыздандыру тоқтатылады;
- спорттық атақтан айырылады;
- Олимпиадалық, Паралимпиадалық және Сурдлимпиялық ойындардың чемпионы және жеңімпазы арасындағы тұрғын үйді пайдалану шарты бұзылады;
- спортшыларды, жаттықтырушыларды ұлттық құрама командалардан және Қазақстан Республикасының спорт түрлерінен штаттық командалардан шығарылады.
Сондай-ақ, заң жобасында Олимпиадалық, Паралимпиадалық және Сурдлимпиялық ойындардың чемпиондары мен жүлдегерлеріне тұрғын үйді 10 жылға жалға алуға беріледі, сондай-ақ допинг-сынақтарды сақтау мерзімі 10 жылды құрайтынына байланысты осы үйді сол мерзімге дейін иеліктен шығаруға тыйым салу қарастырылған және егер осы кезеңде сынамаларда допинг анықталмаса баспана 10 жылдан соң спортшының жекеменшігіне беріледі.
Сонымен қатар, Олимпиадалық, Паралимпиадалық және Сурдлимпиадалық ойындардың чемпионы немесе жүлдегері болып табылатын Қазақстан Республикасының спортшысы қайтыс болған (қайтыс болған) жағдайда, допинг-сынақтың нәтижесіне қарамастан, қайтыс болған спортшыға берілген баспана мұрагерлеріне тегін беріледі.
