9 қаңтарда Алматыда бүкіл ғұмырын қазақ тілінің лексикологиясы мен терминологиясын зерттеуге арнаған, ҚР Ұлттық ғылым академиясының ғалымы, филология ғылымдарының докторы, профессор Өмірзақ Айтбаев 83 жаста дүниеден озды, деп хабарлайды zakon.kz.
Өмірзақ Айтбаев ұзақ уақыт бойына Ахмет Байтұрсынов атындағы Тіл білімі институтында жұмыс істеді.
Белгілі ғалым, тіл сардары Оңтүстік Қазақстан облысы Балтакөл ауылында дүниеге келген. 1959 жылы Киров атындағы Қазақ мемлекеттік университетін бітірді, 1989 жылдан бастап Халықаралық қазақ тілі қоғамының вице-президенті, 2004 жылдан бастап Халықаралық Қазақ тілі қоғамының президенті болды.
1994 жылы ол Қазақстан Ғылым Академиясының корреспондент-мүшесі, 1997 жылы - Қазақстан Республикасы Әлеуметтік ғылымдар академиясының академигі болды.
