"Алланың қалауымен некемізді қидық", - деп жазды Қуаныш Бейсек.
Режиссердың бұл фотосын Ғазиза-Таңшолпан Тілеубай да өз парақшасына бөлісті.
Сонымен қатар Қуаныш қалыңдығымен бірге саябақта, аттракционда отырған сәтінен видео жариялады. Жұп видеоны "Бал күн, бал айы" деп сипаттады.
Қуаныш Бейсек – режиссер, YouTube-тағы "Ирина Қайратовна" жобасының авторларының бірі. Біраз уақыт бұрын ол бұл жобамен енді айналыспайтынын айтқан.
Ғазиза-Таңшолпан Тілеубай – актриса, кәсіпкер, қолөнер шебері, Gaziza ornek брендінің иесі. Ғазиза көрерменге "Қазақ хандығы. Алмас қылыш" және "Алтын тақ", сонымен қатар "Сүйе білсең" телехикаялары арқылы танылған. Оның бұрынғы күйеуі актер Ербол Семқұловтан ұлы бар.
