ҚР Мәдениет және ақпарат министрлігі баспасөз қызметінің хабарлауынша, 2025 жылғы марапат ел өміріндегі маңызды оқиғалар мен әлеуметтік бастамаларды көтерген журналистердің еңбегін бағалауға арналды.
"Биыл сыйлыққа республикалық және өңірлік жетекші телеарналардан 11 номинация бойынша 300-ден астам өтінім келіп түсті. Шорт-листке 44 жұмыс енді. Байқау жеңімпаздарына отандық телевизиялық өнер саласындағы жетістіктері үшін "Тұмар" мүсіншесі мен 1 миллион теңге көлеміндегі ақшалай жүлде табысталады". ҚР Мәдениет және ақпарат министрлігі
Сурет: ҚР Мәдениет және ақпарат министрлігінің баспасөз қызметі
ҚР Мемлекеттік кеңесшісі Ерлан Қарин "Хабар" агенттігінің 30 жылдық мерейтойы қарсаңында арнайы "Тұмар-2025" сыйлығын табыстады.
Сонымен қатар арнайы сыйлық "Заң және тәртіп" қағидатын насихаттауға қосқан үлесі үшін "КТК" телеарнасына және Жеңістің 80 жылдығын кеңінен қамтығаны үшін "Еуразия Бірінші арнасына" берілді.
Сурет: ҚР Мәдениет және ақпарат министрлігінің баспасөз қызметі
"Тұмар - 2025" сыйлығының иегерлері:
- Ең үздік әлеуметтік жоба - "Таза қала" - JIBEK JOLY телеарнасы
- Жылдың ең үздік репортажы - "В гостях у кочевников" - МИР телеарнасы
- Ең үздік ақпараттық-сараптамалық бағдарлама - "President" - 24KZ телеарнасы
- Ең үздік журналистік зерттеу - "АЭС және энергетикалық қауіпсіздік" - ATAMEKEN BUSINESS телеарнасы
- Жылдың ең үздік телехикаясы - "12:00" - 31 арна
- Ең үздік деректі фильм - "Человек с острова Кулалы" - JIBEK JOLY телеарнасы
- Ең үздік балалар тележобасы - "Түркістан сақшылары" - TURKISTAN TV телеарнасы
- Ең үздік өңірлік арна - Saryarqa телеарнасы – Қарағанды облысы
- Ең үздік тележурналист - Бектас Ақерке – QAZAQSTAN TV телеарнасы
- Ең үздік тележүргізуші - Доспаева Мөлдір – Хабар телеарнасы
- Ең үздік спорттық комментатор - Ерік Ерсін – QAZSPORT телеарнасы.
Айта кетейік, "Тұмар" сыйлығы 2017 жылы ҚР Мәдениет және ақпарат министрлігінің бастамасымен тағайындалған.
Сурет: ҚР Мәдениет және ақпарат министрлігінің баспасөз қызметі
Сурет: ҚР Мәдениет және ақпарат министрлігінің баспасөз қызметі
Сыйлықтың басты мақсаты – қазақстандық телевизияның сапасын арттыру және дамыту, телевизиялық контент өндіру саласындағы дарынды мамандарды қолдау және үздіктерді марапаттау. Сыйлық тағайындалғаннан бері 2 200-ден астам өтінім қабылданып, 354 жоба финалға шыққан. Ал 98 лауреат кәсіби шеберлік пен шығармашылық жетістіктің символы болған мүсіншені жеңіп алды.
Бұған дейін Алматыда БАҚ қызметкерлері марапатталғаны хабарланған.