Әртіс жақында өзінің желідегі парақшасына ауладағы сары жапырақтарды жалғыз өзі сыпырып жүрген бейнесін жүктеді. Видео Қазнетте кеңінен таралып, көпшіліктің жағымды пікірін жинады.
Оның сөзінше, ол ауласындағы күздің символы – сары жапырақтарды осы күнге дейін жинатқызбаған. Оған себеп, табиғатты осы мезгілінен ләззат алу.
"Ана жолы үйдің артындағы жапырақтарды жинатқызбап едім,балконнан қарап тұрғанда сап-сары боп жата тұрсыншы деп,күздіің аяғында қимай-қимай жапырақтармен қоштасып жатырмын",- деп жазды әнші.
Өз кезегінде, оқырмандар сүйікті әншісіне жылы лебіздерін жолдады:
- Алтын күз кетіп барады. Алла бұйырса 2026 жылдың күзіне басымыз аман, бауырымыз бүтін болып қарсы алайық. Амандық болсын! Денсаулық болсын! Іске сәт! Аман болыңыз Мақпал ханым!
- Қандай керемет көрініс!
- Күздің соңғы айы да сары жапырақтармен бірге сырғып барады...Салқын самал, сарғайған табиғат, сыбдыр еткен жапырақтар – бәрі де күздің соңғы сәттеріне куә.Жапырақтар жерге үмітпен түсіп, келесі көктемнің уәдесін жүрегіне жасырып кетті.Қош бол, алтын күз! Келесі кездескенше...Мақпал ханым!
- Ісіңізге сәттілік, Мақпал апай. Менде қасыңызға барып, көмектескім келіп кетті. Әрқашан жайнап, жадырап жүре беріңіз
- Түүу сыбдыр-сыбдыр етіп жатқан жапырақтың дауысы-ай!
Бұған дейін Ош қаласында Тоқаевтың қырғыз тіліне аударылған кітабының таныстырылымы өткендігін жазғанбыз.