Концерттің қалай өткенін топтың продюсері Баян Алагөзова көрсетті.
Бір сахнада топтың әр жылдардағы әншілері, соның ішінде "алтын құрамда" болған Жанар Дұғалова, Кәмшат Жолдыбаева және басқа да өнерпаздар бас қосты. Олар танымал әндерін жаңартылған, заманауи нұсқада орындады.
"Кеше керемет болды! Рақмет, Астана!" – деп әсерімен бөлісті топтың екінші продюсері Бағым Мұхитденова.
Алайда концерт барысында келеңсіз жағдай да болды. Фан-аймақта екі ер адам сөзге келіп, арты төбелеске ұласқан.
Соған қарамастан, көрермендер концерттен ерекше әсер алып, Қазақстанның басқа қалаларында да қосымша шоу өткізуді сұрады.
- "Алматыдағыдан да керемет болды";
- "Әлемдік деңгейдегі ғажап шоу! Мақтанамыз әрі тамсанамыз";
- "KeshYou шоуын бүкіл әлемге көрсету керек!";
- "Шымкентте концерт ұйымдастыруларыңызды өтінеміз!";
- "Керемет! Якутиядан арнайы ұшып келіп, билетті әрең сатып алдым. Концерт күткенімнен де асып түсті! Жоғары деңгейде ұйымдастырылған ауқымды шоу болды. Қыздардың бәрі ерекше сұлу, сымбатты әрі харизмалы. Қимылдары пантерлердей, физикалық дайындығы да керемет! Ал киімдері – бөлек әңгіме. Сыйлаған эмоцияларыңыз бен эстетикалық ләззат үшін рақмет! Мұның артында орасан еңбек тұр. Жасай беріңіз, Баян! Мен сіздің шығармашылығыңыздың жанкүйерімін. Якутияға келіңіздер!";
- "Бішкекке қашан келесіздер?";
- "Қуатты шоу болды";
- "Шымкенттік жанкүйерлердің жүрек үнін естіңіздер";
- "Концерттеріңізден кейін нағыз концерттің қандай болуы керегін түсіндім. Межені соншалықты жоғары қойдыңыздар, енді әріптестеріңіз сіздерге қалай жетуді ойлап, бас қатыратын болады", – деп жазды желі қолданушылары.
Бұған дейін Баян Алагөзованың жұбайы 57 жасын дүркіретіп атап өткені туралы жазған едік.