Чили президенті Себастьян Пиньера үш жастан бес жасқа дейінгі балаларға коронавирусқа қарсы вакцина салына бастағанын мәлімдеді, деп хабарлайды Zakon.kz.
"Біз үш-бес жас аралығындағы балаларды қауіпсіз және тиімді вакцинамен егу науқанын бастаймыз, яғни 700 мыңнан астам бала коронавирустан қорғалады", – деді президент.
Президенттің Twitter-де жарияланған видеосында бірнеше бала коронавирусқа қарсы вакцинаны салдыртып жатқанын байқауға болады.
Дүйсенбіден бастап түрлі ауруы бар балаларға, ал бейсенбіден бастап басқа балақайларға вакцина салынады. Балаларға қытайлық Coronavac вакцинасы егіледі.
