2021 жылы 6 желтоқсанда Ұлттық сараптама орталығы COVID-19-ға ПТР-тестілеу қызметінің құнын 6,4-тен 4,9 мың теңгеге дейін арзандатты. Айта кетейік, Ұлттық сараптама орталығы еліміздің 17 өңірінде қызмет көрсетеді.
ПТР-сынамасын тапсыру құны Алматы қаласында (Innova зертханасы) 6 мың теңгеге дейін, Атырау облысында (Interteach, Вестерн, Достар Мед Престиж) 7 мыңнан 5 мың теңгеге дейін арзандатылды.
Бәсекелестікті қорғау және дамыту агенттігінің Түркістан облысы бойынша департаменті мен Түркістан қалалық ауруханасында жасалған монополияға қарсы комплаенс аясында аталған медициналық мекеме ПТР-тест бағасын 7 мыңнан 4,9 мың теңгеге дейін арзандатты.
Ал республика бойынша филиалдары бар ірі желілік зертханаларда COVID-19 ПТР-тестілерінің бағасы (7,4 мың теңге) бұрынғы күйінде қалды.
