Бір айдан астам уақыт бойы COVID-19-ның таралуына қарсы қатаң шаралар қабылдап жатқан Шанхай билігі кейбір аудандарда, негізінен қала шетіндегі карантинді біртіндеп жеңілдете бастады.
ТАСС мәліметінше, мегаполисті шектеусіз оқшаулау әлі де жалғасып жатыр. Кейінгі ресми статистика Шанхай тұрғындарының көбі әлі күнге дейін үйінен шыға алмай жүргенін көрсетіп отыр. Олар карантинде қалады.
Тұрғын үй кешендерінің жаппай жабылуы наурыз айының ортасынан басталған. Содан бері қаладағы қалыпты өмір іс жүзінде жоғалды.
Наурыз айының соңына қарай тұрғындардың барлығы дерлік сынақтан өтіп, бірнеше күннен бір аптаға дейін карантинде болды.
COVID-19 жағдайлары анықталған тұрғын үй кешендерінде тұрғындар карантин режимінде қалды. Сонымен қатар мегаполистің шығыс бөлігі 28 наурыздан бастап толығымен, ал 1 сәуірден бастап шамамен 25 миллион тұрғыны бар қаланың барлық басқа ауданы үй карантинінде қалды.
