Жыл сайын Қазақстанда оқу орындарында 23 000 орта медициналық қызметкер, оның ішінде 6000-ға жуық медбике, 3000 практик шығарылады. Қазір колледждердегі студенттер контингенті 93 мыңнан астам болашақ медицина қызметкерлерін құрайды. Олар мейірбике ісі, акушерлік-емдеу ісі, фармация, зертханалық диагностика, стоматология, ортопедиялық медициналық оптика сияқты 9 мамандық бойынша оқытудан өтеді.
Орта буындағы жұмыс істейтін медицина қызметкерлерінің үлесі көп. Олар бүгінде ел бойынша 188 мың адамды құрайды. Оның ішінде ауылда 54 мың мейірбике жұмыс істейді.
Қазақстанның Денсаулық сақтау министрлігі барлық медбикелерді халықаралық кәсіби мерекемен құттықтады.
Сіздердің күн сайынғы еңбегіңіз бен шыдамыңыздың, ұзақ тәжірибелеріңіздің арқасында науқастар аяққа тұрып, толықтай жазылып кетуге сенімі пайда болады. Шалғай ауылдардағы ауылдық мейірбикелер жаңа туған нәрестелердің патронажынан бастап, аға буынның қамқорлығына дейінгі барлық медициналық көмекті атқарады. Әрқайсыңызға отбасыларыңызға амандық, кәсіби өсу, сарқылмас қуат және жағымды эмоциялар тілейміз!Денсаулық сақтау министрлігі
Айта кетейік, Мейірбикелер күніне орай Денсаулық сақтау министрлігінің алаңында «Мейірбике ісін дамыту. Қазіргі. Болашақ» халықаралық форум жұмысын бастайды.
