Бастапқы онкологиялық науқастың маршруты бекітілді, онкологиялық ауруға күдікті науқастар 18 жұмыс күні ішінде «жасыл дәліз» бойынша, яғни жалпы басымдық пен шектеулерден тыс амбулаторлық деңгейде консультациялар мен тексеруден өтеді. ҚР ДСМ Медициналық көмекті ұйымдастыру департаменті директорының орынбасары Гүлнәр Сәрсенбаева
Баяндамашы диагнозды одан әрі растау онкологиялық орталықтарда 15 жұмыс күні ішінде жүргізілетінін, бұл өз кезегінде онкопатологияны дер кезінде анықтауға және емдеуді бастауға мүмкіндік беретінін қосты.
Сондай-ақ, Сәрсенбаеваның айтуынша, маманға жету үшін бүгінгі күні бұйрық бекітілген, оған сәйкес талонмен жазылудың қажеті жоқ көрсеткіштер тізімі бар - мұндай науқастар терапевтпен кездесусіз көмек ала алады.
Денсаулық сақтау министрлігі Медициналық көмекті ұйымдастыру департаменті директорының орынбасары алғашқы медициналық-санитарлық көмек деңгейінде тегін медициналық көмектің кепілдік берілген көлемі пакетінде аурулардың алдын алу және ерте анықтау үшін профилактикалық тексерулерді кеңейту мәселесін айтты. Биылғы жылы ауыл деңгейінде пилоттық режимде жұмыс істей бастайды.
Профилактикалық тексерулер үшін 18 жастан бастап жаңа нысаналы топтарды анықтау арқылы халықты қамтуды арттыру жоспарланып отырғаны атап өтілді.
