Алматы қаласы Қоғамдық денсаулық сақтау басқармасының хабарлауынша, сәби 21-22 аптада шала дүниеге келген.
Қазір гипотермияға байланысты баланың жағдайы өте ауыр. Реанимация бөлімінде қарқынды терапия алады.Алматы қаласы Қоғамдық денсаулық сақтау басқармасы баспасөз қызметі
25 тамыз күні кәмелетке толмаған қыз даладағы әжетханада босанған. Қыздың анасы оның жүкті болғанын білмеген. Бұл факті бойынша тергеу басталды. Жағдайлар белгіленген.
Баланың 17 жастағы анасы да ауруханада жатыр. Қазір оның жағдайы орташа ауыр.
Гемодинамикасы тұрақты. Клиникалық хаттама бойынша толық көлемде ем қабылдап, тексеруден өтеді.Алматы қаласы Қоғамдық денсаулық сақтау басқармасы баспасөз қызметі
Еске сала кетейік, кәмелет жасына толмаған қыздың түсік тастағанын естіген полицей баланы дәретханадан іздеп, тауып алған. Екі полиция қызметкері нәрестені әжетханадан аман шығарып алды. Оны әжетхана шұңқырынан шығару үшін полицейлер дәретхананың еденіндегі тақталарды алып тастады.