Бес жастағы бүлдіршіннің көпқабатты үйдің 4-қабатының терезесінен құлап кеткені туралы ақпарат Семей қалалық ІІБ жедел кезекшісіне Жаңасемей көшесі тұрғындарынан түскен, деп хабарлайды Хабар 24.
Ересектердің қарауынсыз қалған сәби оқыс жағдайға ұшырап, дүкеннің шатырына түскен. Аман қалған балақай миы шайқалып, түрлі жарақаттармен балалар ауруханасына жеткізілген.
Соңғы бір жылдың ішінде осындай 3 оқиға тіркеліп, үш бүлдіршін жарақат алған. Алайда мамандар балаларды қараусыз қалдырмауды тағы бір мәрте қатты ескертіп отыр. Бұл туралы Семей қалалық ТЖБ баспасөз қызметі хабарлап отыр.
