Бірінші балалар қалалық ауруханасының дәрігерлері шығыс айналма жолында соққыға жығылған баланың жағдайы туралы айтып берді, деп хабарлайды Zakon.kz.
"Баланың жағдайы оң көрсеткіш көрсетіп жатыр. Ақыл-есі дұрыс, сұраққа жауап береді. Күлуге тырысады, аяқ-қолын қимылдатады. Жағдайы тұрақты, өміріне қауіп төніп тұрған жоқ. Қарқынды терапия жалғасуда", - деді нейрохирург-дәрігер Николай Дьяченко.
Дене мүшелерінің барлық қызметі қалыпқа келуі үшін уақыт керек дейді дәрігер. Бірақ нақты қанша уақыт екені белгісіз. Дәрігер баланы түрлі жағымсыз әрекеттерден аулақ ұстауға тырысып жатқанын, сондай-ақ әкесімен қарым-қатынасқа тыйым салынғанын айта кетті.