Теміртауда бұрын іс-түссіз жоғалғандардың тізімінде болған ер адам ағашқа асулы күйінде табылды, деп хабарлайды Zakon.kz Қарағанды облысы ПД баспасөз қызметіне сілтеме жасап.
"25-ші ақпан күні полицияға Теміртау қаласының 30-жастағы тұрғыны хабарласып, Нижняя көшесіндегі ағаш екпелерінде белгісіз азаматтың мәйіті тұрғаны туралы хабарлаған. Жедел-тергеу тобымен азаматтың тұлғасы анықталып, бұрын іс-түссіз жоғалғандардың тізімінде болған 29-жастағы қала тұрғыны екендігі белгілі болды",- деп хабарлап отыр полиция өкілдері.
ПД таратқан ақпаратқа сәйкес, мәйітті қарау барысында зорлық-зомбылық белгілері анықталмаған. Қазіргі таңда тиісті сараптамалар тағайындалып, тергеу амалдары жүргізіліп жатыр.