Рудныйлық полицей Қостанай қаласында ЖКО жасады, деп хабарлайды Zakon.kz Алау.kz басылымына сілтеме жасап.
29 сәуір күні сағат 12:30-да Қостанай қаласындағы Әл-Фараби-Чехов көшелерінің қиылысында ЖКО болды. Жол апатының нәтижесінде 48 жас шамасындағы әйел адам зардап шекті. Белгілі болғандай, полиция қызметкері әйел адамды жұмыстан тыс уақытта қағып кеткен. Ол жапа шегушіні дәл жаяу жүргіншілерге арналған жолақ үстінде қаққан.
Тәртіп сақшысы жапа шеккен әйелге алғашқы көмек көрсетіп, дереу жедел жәрдем шақыртыпты.