Қарағандыда Кривогуз көшесінде мас жүргізушінің кесірінен жол апаты болды. Lada көлігінің жүргізушісі полицияның арнайы көлігіне қатты жылдамдықпен келіп соғылды, деп хабарлайды Zakon.kz.
Желідегі patriotkaragandy парақшасындағы дерекке сүйенсек, Lada ІІМ-нің арнайы көлігіне соғылған кезде полиция қызметкерлері кезекшілігін атқарып, қала көшелерін аралап жүрген.
- Алдын ала ақпарат бойынша, жүргізуші мен оның қасындағы жолаушы мас болған. Соқтығысқан кезде олар түрлі дене жарақатын алып, ауруханаға жеткізілді. 27 жастағы Lada жүргізушісі жолдың қарама-қарсы бетіне шығып, полиция патрульдік көлігіне соқтысқан, деп хабарлады Қарағанды облыстық полиция департаментінің баспасөз қызметі.
Енді кінәлі адам өз ақшасына бүлдірген ІІМ-нің арнайы көлігін қалпына келтіруге мәжбүр болады.