Тауарлар мен қызметтердің сапасын және қауіпсіздігін бақылау бөлімінің бастығы міндетін атқарушы Нұр-Сұлтан қаласындағы №60 орта мектеп мұғалімінен туберкулез дертінің анықталуына байланысты түсінік берді, деп хабарлайды zakon.kz.
"Өзін жайсыз сезініп, дәрігерге көрінген кезде ғана мұғалімге туберкулез диагнозы қойылды", - деді ол.
Қазір №60-шы мектепте ол кісімен араласқан адамдарға профилактикалық тұрғыда медициналық тексеру шаралары жүргізіліп жатыр.
- Жалпы, 2019 жылдың басынан бері қала мектептерінде (№ 84, 74, 73, 80, 60 мектептер) мұғалімдер арасында 5 туберкулез дерті анықталды. Департамент қызметкерлері туберкулез анықталған барлық жағдай бойынша эпидемияға мектептерде жоспардан тыс тексерулер жүргізді, білім ошақтары зарарсыздандырылды. Науқаспен тікелей байланыста болған адамдар рентгенге түсірілді, - деді ол.
Уақытылы эпидемияға қарсы қабылданған шаралар аталған мектептерде бұл дерттің қайталануына жол берген жоқ.
Орта мектептерде туберкулездің алдын алу үшін, құзырлы орган мыналарды ескеруді ұсынады:
- мектеп директорлары өз қызметкерлерінің жыл сайынғы профилактикалық флюороскопиясын алып, іс-қағазға қосса;
- жұмысқа қабылдау кезінде қызметкерлерді алдын-ала медициналық тексерусіз жібермеу.
Биыл қалада флюороскопиядан 395 606 адам өткен, оның 237-інен туберкулез дерті анықталған.
