Шымкентте Түркістан облысы ішкі қауіпсіздік департаментінің қызметкерін ұстаған тәртіп сақшысы жұмыстан шығарылды, деп хабарлайды zakon.kz.
"Отырар" басылымының хабарлауынша, полиция өз қызметкерін "рөлге мас күйінде отырғаны үшін ұстадым" деген ақпаратты таратқаннан соң жұмыстан шығаруға шешім қабылдаған.
Полиция қызметкері ресми қызметтік бейнежазба мен ақпараттарды рұқсат етілмеген адамға бергені анықталды. 30 желтоқсанда полиция лейтенанты Жанбота Болат Орнақұлы ішкі істер органдарының атына кір келтірген әрекеті үшін департаменттің тәртіптік комиссиясының шешімімен жұмыстан шығарылды, - деді полиция полковнигі Әлімхан Темірханов.