Риддер тұрғыны әлеуметтік желіде қалалық аурухана қызметкерлерінің үстінен шағымданып, медициналық мекемені концлагерге теңеді, деп хабарлайды zakon.kz Altaynews.kz сайтына сілтеме жасап.
Бұл туралы Инстаграмдағы @riddervsegda парақшасында жазба жарияланды.
Бүгін анамды ауруханадан алып кетуге барып, жағамызды ұстадық! 22 наурызда түнгі уақытта бокста анам кереуеттен құлап, суық еденде түні бойы жатып қалған. Мұны 2 жұмысшы көрген, бірақ мән берместен шай ішіп отырған. Таңертең анамды бір ер адам орнынан тұрғызыпты. Сол кезде екі медбике келіп, оның қолы мен аяғын байлап тастапты. Салдарынан аяқ-қолында, маңдайында гематомалар пайда болды. Оның үстіне науқас адамға тамақ бермеген, мүлде қарамаған. Анам – тыл еңбеккері. Мынау аурухана емес, концлагерь деп отыр. Қайда шағымдансам болады? - делінген жазбада.
Риддер қалалық ауруханасы бұл жағдайға қатысты жақын арада жауап беруге уәде етті.