Павлодарда медициналық қызметкерлер вакциналау төлқұжатын қолдан жасады деген күдікке ілінді, деп хабарлайды zakon.kz.
Павлодарлық емханалардың бірінің медициналық қызметкерлері қамауға алынды.
Меңгеруші, жалпы практика дәрігері, сондай-ақ осы емхананың екі медбикесі белгілі бір ақша сомасына вакцина алғандардың деректер базасында жалған тіркеуді жүзеге асырды деп күдікке алынды. Тергеу барысында медицина қызметкерлері 200-ден астам жалған вакциналау төлқұжатын жасағандығы анықталды, - деді Павлодар облысы ПД бастығының міндетін атқарушы Жасқайрат Қайыров.
Аталған факт бойынша ҚР Қылмыстық кодексінің 385-бабы, 2-бөлігі бойынша сотқа дейінгі тергеу амалдары жүргізілуде.
Істің мән-жайлары анықталуда.
