Қызылордада балаларға арналған ойын-сауық орталығында газ жарылды, деп хабарлайды zakon.kz.
Қызылорда облысының төтенше жағдайлар департаменті 19 шілдеде сағат 07: 20-да Алтынсарин көшесінде жарылыс болғанын хабарлайды. Балалардың ойын-сауық орталығы екі қабатта болған, өрттің салдарынан бірінші қабат түгелдей жанып кетті.
Жарылыс салдарынан ағаш сарай мен 50 шаршы метр болатын есік алдындағы көлегей шатыр жанған, сондай-ақ Жеңіс көшесі, 21 үйдің пәтерлерінің терезелері де бүлінді. Құрбан болғандар мен зардап шеккендер жоқ, - делінген хабарламада.
Төтенше жағдайлар департаменті оқиға орнына 42 өрт сөндіруші мен алты құтқарушы барғанын жеткізді. Өрт 07: 44-те оқшауланып, 08: 15-те толықтай сөндірілді. Өрттің себебі - табиғи газдың ауаға тарауы.