Түркістан облысында шенеунік 5 миллион теңге пара алды деген күдікке ілінді, деп хабарлайды zakon.kz.
ҚР Білім және ғылым министрлігі Түркістан облысы бойынша Білім беру сапасын қамтамасыз ету департаменті білім беру қызметін лицензиялау бөлімінің басшысына қатысты сотқа дейінгі тергеу жүргізілуде.
Облыстық сыбайлас жемқорлыққа қарсы іс-қимыл департаментінің мәліметінше, шенеунік жекеменшік мектеп өкілінен білім беру қызметіне лицензия бергені үшін 5 миллион теңге көлемінде пара алды деп күдікке ілінді.
Қылмыс жасағаны үшін кінәсін толық мойындауына байланысты күдіктіге қатысты процессуалдық ұстау шарасы қолданылмады, деп хабарлайды агенттік.
Тергеу жүргізіліп жатыр.