Алматы облысында жоғалған жылқылар төрт күннен соң табылды, деп хабарлайды zakon.kz.
Полиция мәліметінше, 16 қыркүйекте Көксу ауданы, Балпық би ауылының 49 жастағы тұрғыны өзінің құны 12,2 миллион теңгені құрайтын 30 жылқысының жоғалғанына шағымданған.
Мал төрт күннен кейін биік тау бөктеріндегі Омар жайлауынан табылды.
Жоғалған жылқыларды іздеуге жұмылдырылған 15 полиция қызметкері төрт көлікпен, атпен жолға шығып, тіпті тікұшақтың көмегіне сүйенген, деп хабарлады департаменттегілер.
ҚР әкімшілік-құқық бұзушылық кодексінің 408-бабы бойынша, жылқы иесіне ауыл шаруашылығы жануарларын бағу ережесін бұзғаны үшін 3 АЕК мөлшерінде айыппұл салынып, әкімшілік хаттама толтырылды, - деп атап өтті баспасөз қызметі.
