Нұр-Сұлтанда көпірден секірген жүкті әйелдің жағдайы белгілі болды, деп хабарлайды zakon.kz.
Оқиға өткен жексенбіде болған. Полиция капитаны көпірге қарай жүгірген 25 жастағы келіншекті қуа жөнелді. Ол өзенге секірді, бірақ полиция аяғы ауыр жас келіншекті құтқарып қалды.
Дәрігерлер әйелдің жағдайы тұрақты екенін, нәрестесін жоғалтпағанын айтты.
Аяғы ауыр келіншек No1 көпсалалы қалалық аурухананың акушерлік бөлімінде жатыр. Науқас толық медициналық тексеруден өтіп жатыр. Оны дәрігерлер толықтай бақылауын алды, арнайы мамандардың барлық көмегі ұйымдастырылды, - деп хабарлады Нұр-Сұлтан қалалық денсаулық сақтау басқармасы.
Қазіргі уақытта медицина қызметкерлерінің айтуынша, оның өміріне ешқандай қауіп төніп тұрған жоқ.
