Алматыда бетон араластыратын Mercedes-Benz жүк көлігі аударылды, деп хабарлайды zakon.kz.
Жол апаты әл-Фараби-Жароков көшелерінің қиылысында орын алды. Бетон араластыратын жүк көлігі жол айырығынан айналып, "Қазақфильм" ықшамауданына қарай түсіп келе жатқан. Негізгі жолға түсе салысымен, көлік бір бүйіріне қарай аударылып кетті.
Жол-көлік оқиғасы салдарынан ешкім зардап шеккен жоқ. Оқиға орнында полиция қызметкерлері жұмыс істеді.
Апат орнында кептеліс пайда болды.