Сьерра-Леонда жанармай тиелген автоцистерна мен жүк көлігінің соқтығысуы салдарынан жарылыс болды. 100-ден астам адам қаза тапты, деп хабарлайды Zakon.kz.
Қайғылы оқиға 5 қарашада орын алды, алдын ала мәлімет бойынша Фритаун қаласында Afuel танкері жарылған.
Веллингтон қаласындағы Бай-Бурех Роудта (тұрғын үй ауданы – ред.) жанармай тиелген көлік пен басқа жүк көлігімен соқтығысып, жарылыс болғаны туралы хабар мені қатты күйзелтті. 100-ден астам адам қаза тапты деген қауесет бар. Материалдық шығын көлемі белгісіз, - деп жазды қаза болғандардың туыстарына көңіл айтқан Фритаун астанасының мэрі Ивонна Аки-Савьер Facebook парақшасында.