Абылай хан даңғылы мен Төле би көшесінің қиылысында троллейбус пен автобус соқтығысты, деп хабарлайды Zakon.kz.
Троллейбус Абылай хан даңғылының бойымен оңтүстікке қарай жылжып келе жатты. Автобус Төле би көшесімен шығыс бағытта келе жатқан.
Куәгердің айтуынша, автобус бағдаршамның қызыл түсіне өтіп кетіп, салдарынан қатты қақтығыс орын алды.
Соққыдан автобус жолдың қарсы бағытына айналып, Абылай хан даңғылының жаяу жүргіншілер жүретін тротуарына бір-ақ ұшты.
Жол апаты салдарынан автобустың жүргізушісі мен бес жолаушысы зардап шекті. Барлығы қаладағы түрлі ауруханаларға жатқызылды.