Ақмола облысы Астрахан ауылында 15 жасар қыз өз-өзіне қол салды, деп хабарлайды Zakon.kz.
Үйінің ауласындағы сарайда асылып тұрған жерінен тапқан, дейді "Астана" телеарнасы. Ашық-жарқын қыздың аяқ астынан мұндай әрекетке неге барғанын ешкім түсіне алар емес. Полиция тергеуді бастады.
Гүлнар Пинчук, Ақмола облысы ПД баспасөз қызметінің басшысы:
Аталған факт бойынша ҚР 105-бабымен "Өзiн-өзi өлтiруге дейiн жеткiзу" сот медициналық сараптамасы тағайындалды. Тергеу жүргізілуде.
Білім басқармасының мәліметінше, жыл басынан бері ақмолалық оқушылар арасында 8 өз-өзіне қол жұмсау жағдайы болған. Сондай-ақ 21 бала суицид жасауға әрекет жасаған.
Мектеп басшылығы да 9 сынып оқушысының қазасына сене алмай отыр. Өте ақкөңіл, көпшіл еді деп еске алады мектеп директоры.
Сәуле Балабаева, Астрахан ауылы №1 жалпы орта мектебінің директоры:
Қыз көпшіл, өмірге құштар бала болып өсті. Мінезі ашық, би үйірмесіне қатысқан. Мектеп психологының айтуынша, суицидке бейімделу белгілерін көрсетпеген. Қазіргі таңда отбасына психологиялық көмек көрсетілуде.
