Түркістан облысында алаяқ әйел мүгедектікті рәсімдеп беремін деп ақша алған, деп хабарлайды Zakon.kz.
Облыстық ПД мәліметінше, полицияға жергілікті тұрғын жүгінген.
Жұмыссыз жүрген әйелге оның танысы, мүгедектік үшін берілетін жәрдемақыны алып беремін деп уәде берген.
Алаяқ өз қызметін 700 мың теңгеге бағалаған. Ақшаны алып-алып, бір жылдан астам уақыт бойы жәбірленушіге уәдені үйіп-төккен. Бірақ нәтиже болмаған. Полицейлер ҚР ҚК 190-бабы "Алаяқтық"бойынша фактіні тіркеді.Түркістан облысы ПД баспасөз қызметі
Іздестіру іс-шараларының нәтижесінде тәртіп сақшылары күдіктіні, яғни жұмыссыз әйелді тұрғылықты жері бойынша ұстады.
Қазіргі уақытта аталған факті бойынша сотқа дейінгі тергеу амалдары жүргізілуде. Белгілі болғандай, күдікті ақшаны өз қажеттіліктеріне жұмсаған. Түркістан облысы ПД баспасөз қызметі
