Алматыда 2 желтоқсанда таңертең жолдың қарсы бетімен нөмірі жоқ көлікпен келе жатқан полиция қызметкері анықталып, оған айыппұл салынды. Кейіннен оның жұмыстан шығарылғаны белгілі болды, деп хабарлайды Zakon.kz.
Полиция қызметкері Әкімшілік Кодекстің бес бабы бойынша әкімшілік жауапкершілікке тартылды.
Алматы қаласы ПД тәртіптік комиссиясының шешімімен патрульдік полиция полкінің инспекторы, аға лейтенант Қ.Иманқұлов бірқатар жол ережесін өрескел бұзғаны үшін ішкі істер органындағы қызметінен босатылды. Алматы қалалық ПД
Взвод командирінің басшысы да қызметінен босатылды. Бөлімшенің екі басшысына қатысты тәртіптік сипаттағы шаралар қабылданды.
ІІМ мен ПД-ның мұндай өрескел заң бұзушылықтарға қатаң қарайтындығы баршаға аян. Заң баршаға бірдей және ол міндетті түрде орындалуы тиіс. Кездейсоқ адамдарға біздің қатарымызда орын жоқ. Мұндай заңсыз әрекеттерімен олар ерте ме, кеш пе көзге түсіп, өз беделдеріне кір келтіреді. Полицияда азаматтардың қауіпсіздігі үшін талмай еңбек ететін, жүрек қалауымен келген жігіттер жұмыс істейді. Алматы қалалық ПД бастығының орынбасары Әбдуәлі Нашарбеков
