F-5 жойғыш ұшағы жабық тұрған мектеп пен спорт залының жанына құлаған. Салдарынан үш адам – екі ұшқыш пен көлікте болған бір азамат қаза тапты. Апатқа ұшыраған истребитель Тебриздегі Шахид Факури базасынан ұшып шыққан.
Бұл туралы Шығыс Әзірбайжан провинциясының дағдарыс жағдайлар департаментінің басшысы Мухаммад Багер Хонарбар хабарлады деп жазды ИРНА агенттігі.
Тебриздегі Шахид Факури әуе базасының қолбасшысы генерал Реза Юсуфи ұшқыш ұшақты елсіз аймаққа бағыттау арқылы үлкен трагедияның алдын алғанын айтты.
Біздің ұшқыштар ұшақты бос аймаққа қарай бағыттады. Өйткені ұшақ құлаған жер халық тығыз орналасқан аймақ еді. Алайда олар қалса, өздерін құтқара алар еді.Генерал Реза Юсуфи
Әскери ұшақ оқу-жаттығу миссиясы кезінде жоғалып кеткен. Техникалық ақауларға байланысты ұшқыш истребительді ұшу-қону жолағына қондыра алмаған.
Қазір оқиға орнында құтқарушылар жұмыс істеп, тергеу амалдары жүргізіліп жатыр.
