Алматы маңындағы тауларда жауын-шашынның көп түсуіне байланысты қар көшкіні жүру қаупі жоғары.
Қатты жауын-шашын мен Кіші және Үлкен Алматы өзендерінің бассейндеріндегі тау беткейлерінде тұрақсыз қар жамылғысына байланысты 31 наурыз бен 1 сәуір аралығында қар көшкіні қаупі сақталады, деп хабарлайды «Қазгидромет» РМК.
Ведомство қала тұрғындарына қар көшкіні қаупі туралы хабарлар СМС-хабарламалар, БАҚ, сонымен қатар магистральдық жолдардың бойында орналасқан қаланың 50 ірі медиабордтарымен біріктірілген Darmen мобильді қосымшасы арқылы жүзеге асатынын еске салды.
Сонымен қатар құтқарушылар қар көшкінін алдын алу үшін жұмыс істеп жатыр.
«Шымбұлақ» тау шаңғысы курорты аумағында демалушылардың қауіпсіздігін қамтамасыз ету үшін пневматикалық қондырғы арқылы қар көшкіні түсірілді. 300 шаршы метр қар түсті. Түскен масса шаңғы трассасына жетті, тазарту демалыс орнының бульдозерімен жүргізілді. Жұмыс барысында зардап шеккендер жоқ.Алматы қаласы Төтенше жағдайлар департаментінің баспасөз қызметі
