ШҚО ПД баспасөз қызметінің мәлімдеуінше, жауапкершілігі шектеулі серіктестіктерінің бірінің филиал меңгерушісі полицияға жүгініп, бұрынғы есепшісі қызметтік жағдайын пайдаланып, ақша жымқырғанын хабарлаған.
Бұрынғы есепшінің кесірінен ЖШС 4,3 миллион теңгеден астам шығынға ұшырапты.
Криминалдық полиция қызметкерлері 31 жастағы күдіктіні ұстады. Жауап алу кезінде әйел өз кінәсін мойындамады. Осы факті бойынша Қазақстан Республикасы Қылмыстық кодексінің 189-бабының 2-бөлігі – «Басқаның сеніп тапсырылған мүлкін иемдену» бойынша сотқа дейінгі тергеу амалдары басталды. ШҚО ПД баспасөз қызметі