Ішкі істер министрлігінде атап өткендей, қару ұрлағаны үшін бірқатар тұлға қылмыстық жауапкершілікке тартылды. Қылмыстың ауырлығын және қоғамға қауіптілігін ескере отырып, соттар тиісті жаза тағайындайды.
Ұрланған 2087 қарудың қайда екені белгісіз. Оларды іздеу жалғасып жатыр.Санжар Әділов
Осылайша 5 қаңтарда Алматыдағы тәртіпсіздік кезінде төрт адамнан тұратын топ мамандандырылған дүкендерден қару-жарақ пен оқ-дәрілерді, сауда үйлеріндегі басқа да тауарларды ұрлап кеткен. Күдіктілер анықталып, ұрланған қару-жарақ пен заттар тәркіленіп, қылмыстық іс сотқа жолданды.
5 тамызда Алматының Алмалы аудандық соты айыпталушыларды кінәлі деп танып, бес жылға бас бостандығынан айырды.
Күні кеше ғана Таразда полиция қызметкерлері зираттан екі жасырын сақтау қоймасын анықтады. Оның бірінде екі оқпан бар «Вальтер» тапаншасы, электр тогына арналған граната мен 16 калибрлі патрондар болған. Тағы бірінен 12-калибрлі, нөмерлері құлаған аңшы мылтығы, оқпандары бар «Маузер» газ тапаншасы, дыбысты сөндіретін граната, екі «Шок» газ бұрышы спрейі және әртүрлі калибрлі 60 патрон табылды.Санжар Әділов
17 тамызда Жамбыл облысының Андас батыр ауылында полиция қызметкерлері қараусыз қалған үйден жасырын қойма тапты. Оның ішінде 12-калибрлі мылтық, бұрын облыстық ішкі істер департаментінен ұрланған оқ өтпейтін жилет пен әртүрлі калибрлі патрон болған.
Сол күні Меркен ауданы, Ақтоған ауылының шетінен полиэтилен пакеті табылды. Оның ішінде 12-калибрлі екі аңшы мылтығы мен түрлі калибрлі оқ-дәрілер мен нөмірлері болды.
18 тамызда Алматының Түрксіб ауданында Малая Алматинка өзенінің маңында қару қоймасы табылды. Онда 12 калибрлі ИЖ-27 тегіс ұңғылы мылтық, пневматикалық тапанша, бес газ және бір электр гранатасы, 100-ге жуық патрон болған.
