Алматы Төтенше жағдайлар департаментінің мәліметінше, қазір өрт орнында сынақ-зерттеу өрт зертханасының қызметкерлері, сонымен қатар Алматы қаласы Төтенше жағдайлар департаментінің анықтаушылары жұмыс істеп жатыр.
Өрт маусымы жалғасып жатыр. "Қазгидромет" РМК дауылды ескертуіне сүйене отырып, Төтенше жағдайлар департаменті 7 қыркүйекте Алматыда 35 градусқа дейін қатты ыстық болатынын хабарлады. Таулы-орман аймағында жоғары өрт қаупіне байланысты қала тұрғындары мен қонақтарын тауда демалу кезінде ашық отты қолданбау, от жағу және темекі шегуден бас тартуды сұраймыз.Алматы Төтенше жағдайлар департаменті
Сонымен қатар департамент қала тұрғындары мен қонақтарына өрт қауіпсіздігі талаптарын бұзғаны үшін айыппұл бар екенін ескертті.
Ерекше қорғалатын табиғи аумақтарда өрт қауіпсіздігі талаптарын бұзғаны үшін ӘҚБтК-нің 367-бабына сәйкес жеке тұлғаларға айыппұл мөлшері 10-нан 100 АЕК-ке дейін өзгереді, яғни 30 мың 063 теңгеден 306 мың 300 теңгеге дейін айыппұл қарастырылғанын ескертеміз.Алматы ТЖД
Ауыр зардаптар болған жағдайда кінәлілер қылмыстық жауапкершілікке тартылуы мүмкін.
Өздеріңізге белгілі, түнгі уақытта авиация қауіпсіздік шараларына байланысты табиғи өрттерді сөндіруге қатыспайды. Өрттің тез локализациясы (01 сағат, 6 минутта) барлаудағы дронды қолдану арқылы жеңілдетілді, - делінген ТЖД хабарламасында.
6 қыркүйек күні сағат 18:58-де Алматы қаласы Төтенше жағдайлар департаментінің құрама командасы табиғи өрттерді жою үшін Медеу ауданы, Жәнібеков көшесі, 78-үйге жақын жерге барды.
Келген кезде Көктөбе тауының баурайының 3 гектар аумағы өртеніп жатқаны анықталып, қаланың өзара әрекеттесу қызметінің (әкімдік, «Алматы су» мекемесінің техникасы, полиция қызметкерлері) күштері мен құралдары ұлғайтылды. Өртті сөндіру қиын жер бедері, желдің күшеюі және күннің қараңғы болуына байланысты қиындады. Полицейлер тұрғындарды хабардар етіп, жақын маңдағы дәмханалардан эвакуациялау жұмысын жүргізді.
20-22-де өрт толық локализацияланып, 20:35-те жойылды. Оқиға орнына 19 бірлік өрт сөндіру техникасы мен 130 адам жұмылдырылған. Құрбандар мен зардап шеккендер жоқ.
Тақырып бойынша оқыңыз:
