Алматы қаласының мамандандырылған ауданаралық тергеу сотының хабарлауынша, 2022 жылғы 18 қарашада сот шешімімен тергеу органдарының күдікті Төребаев пен Шерниязовқа «қылмыстық іс материалдарымен танысу кезеңінде болу мерзімін санкциялау туралы» өтініші қанағаттандырылды. Істі бір айға, яғни 2022 жылдың 18 желтоқсанына дейін ұзартты.
2022 жылдың 10 ақпанында Мейіржан Төребаев пен Мейірхан Шерниязовқа қатысты «Қаржы (инвестиция) пирамидасын құру және басқару» бабы бойынша қылмыстық іс қозғалғаны белгілі болды.
Олар 20 сәуірде 10 тәулікке қамауға алынып, 29 сәуірде қамау мерзімі екі айға ұзартылды. Артынша Төребаев пен Шерниязовты қамауға алу бірнеше рет, кейінгі рет 18 қарашаға дейін ұзартылды.