Жетісу өңірінде облыстық маңыздағы тас жолдың бір бөлігі жабылды

Облыстың жолаушылар көлігі және автомобиль жолдары басқармасының хабарлауынша, ауа райының қолайсыздығына байланысты облыстық маңыздағы Қоғалы – Шұбар – Көксу – Қарабұлақ тас жолының 68-74 шақырым аралығындағы жол учаскесі жабылды, деп хабарлайды Zakon.kz.

Құзырлы ведомство мәліметінше, 3 желтоқсанда сағат 13:00-ден бастап ауа райының нашарлауына байланысты (боран, айналаның көріну деңгейінің күрт нашарлауы) шектеулер енгізілген.

Шектеу автокөліктің барлық түрлеріне де қатысты.

Синоптиктер 3 желтоқсанда Қазақстанның басым бөлігінде қар жауып, боран соғады деп болжайды.