"Қазақстан теміржолы" компаниясының баспасөз қызметінің мәліметінше, Қарағандыдан Жезқазғанға күйеуімен бірге бара жатқан жүкті әйелдің тосыннан толғағы басталған.
Пойыз бастығы Индира Құлмаханованың сөзіне қарағанда, қызметкерлер нұсқаулық бойынша әрекет еткен. Олар пойыз жүргізушісіне дереу хабар беріп, жақын маңдағы станцияға жедел жәрдем шақырған.⠀
Жолсеріктер Жезқазған станциясына жеткен соң әйел мен оның жаңа туған қызын жедел жәрдем қызметкерлеріне тапсырған. Ата-ана нәрестенің есімін Арай деп қойған.
