Күдіктінің тұрғылықты жерін тінту барысында өсімдік заттары салынған 4 қағаз бума табылды. Олар әр түрлі жерде жасырылған.
Мамандар ол зат салмағы шамамен 7 грамм болатын кептірілген марихуана екенін анықтады.
Қазақстан Республикасы Қылмыстық кодексінің 297-бабының 1-бөлігі – "Есірткі, психотроптық заттарды өткізу, жөнелту немесе өткізу мақсатында заңсыз дайындау, қайта өңдеу, иемдену, сақтау, тасымалдау, олардың аналогтары" бойынша сотқа дейінгі тергеп, тексеру басталды.