Жиында жәбірленушінің адвокаты жиналған айғақтарды атады. Ол алғашқы оқтан соң Шумковтың тірі болғанын, тек екінші оқ басына тигені өлімге әкелгенін айтты. Бұл ретте дәрігердің қорытындысында тек бетіндегі жарақат туралы айтылады.
Айыпталушының бірінші жауап алу кезінде айтқанына сүйенсек, 3 сәуірде ол Шумковты қорқытуды емес, өлтіруді ойлаған.
Сонымен қатар сот отырысында іс бойынша "Басқа өмірге қауіпті жолмен кісі өлтіру" деген айып бойынша тармақ бар екені белгілі болды, бірақ ол алынып тасталды. Жәбірленушілердің қорғаушылары норманы қайтаруды сұрағанымен, прокурор мұнымен келіспей, қабылдамады. Шумковтың жесірі бұл шеттетуге ашуланды.
Жауапкер сонымен қатар Юрий Шумковтың жесірі мен анасының материалдық және моральдық шығынды өтеу туралы талабын қабылдады.
22 қарашада Шумковтың жесірі сотта сөз сөйледі. Ол өтемақы ретінде 105 миллион теңге талап етті.
4 сәуірде Алматыдағы көлік тұрағында белгілі гастроэнтеролог Юрий Шумков кісі қолынан қаза тапты. Кейін полиция қылмыскердің дәрігерге бірнеше рет барған клиент екенін анықтады.
Дәрігерді өлтіргенге дейін сотталушымен болған кездесу туралы Юрий Шумковтың әріптесі де айтты.
4 қаңтарда айыпталушы Юрий Шумковты қалай атқанын айтып берді.
