Жетісу облысы ІІД жол полициясы басқармасының мәліметінше, 65 жастағы ер адам Toyota Corolla көлігін айдап келе жатып, Үшарал-Керімағаш тас жолының 4-шақырымында көлікті басқара алмай, күрт бұрылыста тас жолдан шығып кеткен.
Көлік су арнасының деңгейін бақылау үшін салынған гидротехникалық құрылысқа кіріп кеткен. Көлікте болған 50 жастағы жолаушы оқиға орнында қаза тапты. Жүргізуші түрлі жарақат алып, ауруханаға жеткізілді.
27 қаңтарда Honda Civic көлігі Саин көшесімен қатты жылдамдықпен келе жатқан. Ұлықбек даңғылының дәл астында жүргізуші тізгінге ие бола алмай, көлік жолдан шығып кетіп, электр беру бағанасына соғылды. Апаттан үш адам қаза тапты.
